Transcription
1
Monsieur, jay receu ce jourdhuy la lectre quil vous a pleu de mescrire
2
du neufviesme du present, suyvant laquelle monsieur de Pennes sen va
3
avec sa compagnie au lieu où il vous a pleu luy ordonner, masseurant
4
qu’aux endroictz où il sera employé, il y versera en façon que le roy
5
en sera fort bien servi. Despuys ma dernière lectre rien nest survenu
6
qui soit digne de vous advertyr, si ce nest que par la contenance
7
de lennemy et à ce quil faict le semblant, je seray des premiers
8
atacqués, ce que ne mesbaye en rien car je me sentz assez pour me bien
9
deffandre. Bien vous diray je, monsieur, que quant il vous
10
plarroyt me donner aultant de moyen pour les offancer que jen
11
ay de me bien deffandre, je spereroys que le service du roy en seroyt
12
advancé et ce pauvre pays sen pourroyr ressantir. Advenant
13
chose digne, je ne fauldrey de vous en advertir ; et daultant
14
que je vous ay escript assés amplement par ma dernière lectre
15
sur laquelle il vous plarra me faire entendre votre volunté,
16
que sera pour fin, après avoir presentées mes humbles recommandations
17
à votre boinne grace, suppliant le Createur vous donner,
18
monsieur, en très heureuse santé très longue et heureuse vie. De Dye,
19
ce XIIIe de febvrier 1574.
20
Vostre très humble et affectionné à vous faire
21
service
22
glandage